<
Ftesë për Solidarizim
Rektorati i Universitetit të Arteve, fton të gjithë personelin akademik, jo akademik dhe studentët për tu solidarizuar me dhimbjen për viktimat e sulmit makabër në Universitetin Garissa në Kenia, në 2 Prill të këtij viti, ku humbën jetën 147 studentë të pafajshëm.
Ftoheni ti bashkoheni kësaj nisme solidare duke mbajtur një minutë heshtje, ditën e Hënë datë 27 Prill, ora 12:00, në sheshin përpara hyrjes qendrore të Universitetit të Arteve.
Ky solidarizim i bashkohet apelit njerëzor për të ndaluar të gjithë aktet e dhunshme në ambientet universitare, kundër studentëve dhe lirive akademike.
